Sensibilizasaun Informasaun Eleitoral ba Estudante sira iha Munisipiu Liquiça

 Atu fahe informasaun kona-ba prosesu eleitoral ba iha estudante sira maka iha loron 14 fulan Setembru 2015, ekipa husi STAE no CNE nasional , no mos ekipa husi STAE municipiu Liquiça hala'o sensibilizasaun ba informasaun eleitoral iha eskola sekundaria katolica São João de Brito, no mos eskola tekniku vokasional Liquiça.

Estudante nebe'e maka partisipa iha sensibilizasaun hamutuk atus ida ha'at nulu (140) nebe'e maka kada eskola kompostu husi, eskola sekundaria katolica São João de Brito ema atus ida (100) no ema nain ha'at nulu (40) husi eskola tekniku vokasional Liquiça.

Informasaun nebe'e maka fasilitador sira hato'o iha sensibilizasaun ne'e maka oinsa sira bele hatene prosesu resensiamentu no mos prosesu eleisaun iha Timor leste.

Tuir estudante, Rosalia da silva de Jesus, husi eskola tekniku primaria São João de Brito katak atividades ne'e intersante tebes ba sira no husu ba parte STAE no CNE atu nafatin halo programa hanesan ne'e ba iha sira nia eskola ho materia eleitoral nebe'e maka diferense atu sira bele hatene diak liu tan ita nia prosesu eleitoral iha ita nia nasaun.

Nune'e mos xefi orientasaun estudante husi eskola sekundariu São João de Brito, Sr. Joanico Alves Freitas Sando, husu ba fasilitador sira husi CNE no STAE atu fahe informasaun ida ne'e ba mos iha estudante pre sekundaria sira atu sira mos bele hatene informasaun hirak ne'e hodi bele fahe ba sira nia kolega sira seluk.

Tuir xefi departementu formasaun, Sr. Karseres Ximenes nebe'e hanesan mos xefi ekipa iha formasaun ne'e hateten katak ida ne'e hanesan programa pilotu nebe'e maka STAE liu husi departementu formasaun hala'o hodi fahe informasaun eleitoral ba iha estudante sira atu sira bele hatene kona-ba prosesu eleitoral iha Timor leste nune'e fasilitador hirak ne'e mai husi funsionarius STAE maka hanesan Sra. Marquita da costa, Sra Donata marques. Sra. Cesarina carceres no husi parte CNE maka, Sr. Delindo deo ramos no Sr. Jose soares fonseca.

Iha sensibilizasaun ne'e mos marka mos prezensa husi komisarias CNE ninian, maka hanesan komisaria Gizela da Cruz de Carvalho, L.Ed, Dra. Marcia Filipe Sarmento, Dra. Ana Paula Fonseca. hodi hare no supervija atividade ida ne'e.


Print   Email