Kuadru STAE halo diskusaun ba finalizasaun Planu Operasional

Iha loron, 24 fulan Juñu 2015, Dirasaun Jeral Secretáriado Tecnico de Administração Eleitoral (STAE) organiza sorumutu ida ho xefi departementus STAE munisipius 12 inklui mos xefi departementus STAE Rejiaun Administrativu Espesial Oecusse-Anbeno, hodi diskute kona-ba finalizasaun planu operasional eleisaun lideransa komunitariu, iha salaun enkontru STAE nasional Caicoli-Dili.

Iha enkontru ne'e partisipa mos husi Vise -Ministro MAE, Sr. Tomas do Rosario Cabral, hodi fo ninia intervensaun kona-ba planu operasional nebe'e maka STAE sira prepara antes atu haruka ba iha parte ministeriu MAE.

Durante enkontru vise-ministro mos husu ba dirasaun STAE atu hare kona-ba lei organik STAE ninian no mos husu ba iha xefi departementus STAE munisipius sira atu hare didiak planu operasional ida ne'e no husu mos atu kada munisipiu atu prepara ninia planu orsamentu rasik ba iha eleisaun lideransa komunitariu nian.


Print   Email