Funsionariu STAE Partisipa iha Workshop kona-ba Estratejia Komunikasaun no Edukasaun Eleitoral

Iha loron, 28 Fulan Jullu 2015, funsionarius STAE nain lima (5) partisipa iha workshop stratejia komunikasaun no edukasaun eleitoral nebe'e fasilita husi komisaun eleitoral Nova zelandia no mos CNE.

Workshop ida ne'e hola fatin iha salaun formasaun CNE ninian no partisipa mos husi funsionarius CNE nain 15. Iha abertura ba workshop ida ne'e hetan mos prezensa husi prezidente CNE. Sr. Jose da Costa Belo, embaixador Nova Zelandia nian ba Timor-leste, Sr. Jonathah Schwass, reprezentante edukasaun votantes husi komisaun eleitoral Novazelandia, Sra. Anastasia Turnbull nebe'e hanesan mos fasilitador ba workshop ida ne'e, no mos komisarius CNE sira.

Durante abertura serimonia ne'e , prezidente CNE mos husu ba partisipantes sira atu aporveita ouportunidade ne'e ho diak no nia mos hatutan liu tan katak, ida ne'e hanesan ouportunidade ida atu fahe esperensia ba malun no edukasaun votantes hanesan buat ida esensial liu no oinsa orgaun eleitoral sira atu bele konvense eleitores sira atu bele partisipa iha eleisaun.

Workshop ne'e remata iha loron 31 fulan Jullu 2015 hodi fahe mos sertifikadu ba iha partisipantes sira.


Print   Email